.ஐ.الداهيه.ஐ..قصائد..وإبداع..

[sHaGaB]

http://www.moq3.com/img/uploads/TFr40298.gif (http://www.moq3.com/img/)



http://www.moq3.com/img/uploads/1kj40660.gif (http://www.moq3.com/img/)



شاعر..
أبدع في تنظيم الحروف
ورصف الأبيات
وأنتقاء المــ ع ــاني
وأختيار الألفاظ التي تناسب إبداعه..

هو الشاعر:
" محمــد جــار الله الســهلي"

اطلـــ ق ــت علــ ي ــه الصحافه
لقب ..... ღ الداهـــ ي ـــه ღ

فكان فعلاً داهيه
فيما كتب و نثر من روائعه
التي جمعها
في ديوان
بعنــــوان..
%... أصــ ع ـــب سؤال ...%

جمــ ع ــت لكمـ
15 قصيدهـ
و4 من أبياته..
تتنوع أغراضــ ـهـ ـا
بين..
الــ غ ــزل...இ...الـ ش ــوق...இ...الـ ح ـب...
...الـ ع ـتاب...இ...الـ ح ـزن...இ...الـ ح ـنين...
...الفراق...இ...الـ ج ــرح...


أخترتــ ـهـ ـا شــ خ ــصياً من ديوانه
أتمنى أن تنال أعجابكمـ..

أترككمـ مع الإبداع..


أختكمـ...&...محبتكمـ...
ஐ.. شــ غ ــب .. ஐ

[sHaGaB]

[اصعب سؤال]





(اصعب سؤال)
اللي جوابه للأسف مثله(سؤال)
ماهو تفلسف إلا موقف صار واسمع"ثاني بيت"
البارحه يومه سأل:
(وش ذكرك ذيك الليال؟)
كان الجواب بكل بساطه:
(من متى اصلا نسيت؟)
ادري بأن جمع (الصعوبه والبساطه)شي محال!!
لكنها صارت كذا!!
واللي أهم اني دريت:
ان الحياه فبعد احبابك إذا جف الوصال
اتعيشها لو تقتنع انك خلاص اصبحت"ميت"
ياصاحبي لو كل شي يمر بالخاطر يقال
ماكانت العبره تولجني اليا منك طريت!!
شفني قدرت احبس دموعي بس(دمع القاف)سال
وياكبرها ساكت ولكن داخل اوراقي بكيت!
عمر الحكي ماكان دافي لا ابتدى بقولة تعال
لجل اتجاهل رجفة حروفي أليا مني حكيت
الحال في بعدك قسم بالله ماأسميه حال
انوي على الضحكه واحس كلي خطا لأني نويت
اتصور انك من رحلت اشوفك لجسمي ظلال
لاشفته امشي ببتعد واثره معي مهما مشيت
مدام يعني في بحرك لفرحتي مليون جال
وش فيه موجك ماركد؟قربت أموت ومارسيت
يرضيك ماعادت معي تفرق اذا جالك مجال
لاني أقتنعت انك نهايه واني ببطي مابديت
صرت اعقد حجاجي اذا جابوك بأطراف الجدال
وانا قبل لاقالوا اسمك كني: ميت ثم حييت
تعبت أعيش الدور وافتح للمعاذير الخيال
واتخيل اني جيت في بالك وبأنك استحيت
وترد لي كلك وله وتقول: [كن البعد طال]
ومن الفرح ماعاتبك وأقول: "ياأخي مابغيت"
حتى وانا أتخيل حشمتك لأن قلبي لايزال
يكرر اسمك داخل اعماقي بنبضه لاسهيت
قلي شأسوي فيك وانت بداخلي أصدق مثال
للحب وأحساس القصيد ان عانق الليل وسريت
ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت
وإذا بلاك الله وعذبك أشتياقك بس تعال
وأقرأ القصايد في غيابك كل ابوها بيت بيت
بتدري ان اصعب سؤال اللي يجي رده سؤال
لاقلت لي"وش ذكرك؟"
ثم قلت لك: متى نسيت؟

[sHaGaB]

@حسبة أخواني@

ماتباطيت القصيد!!إلا تباطيتك
والشعر في جيتك شكل وطعم ثاني
عانك اقبلت ولمحتك في شطر بيتك
(فكره مجنونه تسلى بضيقة اوزاني)
يا أعذب أحساس ملكني علك وليتك
تفهم الشعر ان شربك بصحة لساني
يعلم الله في غيابك ما تناسيتك
بس في مره نويت انساك ممداني
قلت:ابنسى_وارتفع صوتك ولبيتك
واثر خفاقي بصوتك عنك ناداني
ويش اسوي دامني بالجوف ربيتك
طفل تسوى هالحياه بعين: شرياني
تلعب..وتكبر..وتكبر.. لين عديتك:
بالغلا (آخر نماي) وكل (شيباني)
والله ان عمري بدا من يوم حبيتك
واعرف انه ينتهي لو قلت: تنساني
حط في بالك أنا من عام خبيتك
ان صحيت بخافقي وان نمت بأجفاني
مابي غيري يلمحك_حتى لا غنيتك
غرت من صوت الصدى لا ردد ألحاني
من كثر ما أشتقت لطيوفك تمنيتك
رمش عيني أو تصير الشوف لأعياني
وان تمادى هالحنين بجفني ضميتك
وقتها : ألقاك ..لكن ليه ما ألقاني؟؟
والله انك من لفيت بنبضي حييتك
وكني بقولة (هلا) بينت حرماني......!
هذا حالي يالغلا من يوم خليتك
وانت طمني علي فالبعد وش جاني......؟
اذكر اني بالوفا صغتك وسميتك
واذكر انك بالوفا كنت تحداني
وصرت أشكك في كلامك لين بكيتك
وقلت:موعدنا يجي كان الله أحياني
ويوم جيت بخافقي وبخافقك جيتك
كنت انا رابح مع اني خاسر رهاني
والأكيد اني لقلبي بيدي وديتك
وعاد شوف اليوم وين الحب وداني
ياعساني صدق ولعتك و هميتك
و ياعساك بجد تعشقني وتهواني
ولو تقول اني بغيابي عنك عنيتك
أنت همك صرت أعده ((حسبة أخواني))

[sHaGaB]

= قلـبــ_نسيته_ــــي=


قصايد تنكتب في روعة وصوفك
في كل خايع فكر تلقى لها جره
والشعر كانه قدر يخطرك ويطوفك
ماهوب لله لادري ولا دوره
ياغيب رجعك عقب البطا خوفك
في كل مره تجي وتعاود الكره
اتكبر العذر قبل اتكثر حلوفك
ولاضر قلبي كبر عذرك ولاسره
الله لا يسامح الأشواق وطيوفك
و ياويل قلبي من الحرمان والحره
ياليتها في يدي وأغير ظروفك
أو ليتني ماعرفت الحب بالمره
العام في كل لحظه أقدر أشوفك
واليوم مقدر أشوفك بالعمر مره

[sHaGaB]

_الشوق جايبني_

الليل يكتبني على اهدابك
طالبك مره حس واقراني
دامي انا اول واخر أحبابك
وشلون تتركني وتنساني
والله لا اضيع بلحظة غيابك
ومن بعدها ياكيف تلقاني
وش تستفيد ان ضعت بأسبابك
وانت الوطن وارضي وعنواني
ياصاحبي كل يوم.....يغتابك
شعر يسولف لي عن احزاني
غديت ذنبه مير ماتابك
كل مانهيته قام يعصاني
حس بحبيبك وافتح ابوابك
جاملني بس مره على شاني
مليت أهذري فيك وأشقابك
ومليت أحسك ::واحد ثاني::
وان كان ماحنيت لأصحابك
اسمعني و (صح الله لساني)
الشوق جايبني ولا جابك
ياليت من وداك وداني

[sHaGaB]

%_ _ _ بـــ ح ـــة الشوق_ _ _%


تعال أغني لك الموال و غيــــــابك
للشوق [ب ح هـ] تميز نبرة أشعاري
زهبت عذري وردي لا ابتدى عتابك
كم لي افكر شقول ان قلت شالطاري
بقول : مشتــــاق للطعنه من اهدابك
ومشتــــاق اكثر لقولة: باخذ بثاري
وبقول: مليت_مدري ملني بابــــــك
من غبت دونه وقف عمري ومشواري
ماغير اسولف له اللي صار بأسبابك
وارمي عليه الشقا والهم وأعذاري
من غير لا ادري اجي وان قال: وش جابك؟
قمت اتساقط علي من [غيمة افكاري]
لين اتبلل *ولــــــه* واطير اسرابك
وتروي عصافير فرقانا من انهــــــاري
وارد " ميــــــت" عطش واقلب كتابك
واقرى :حكاية سراب: عذب ازهاري
شفني ذبلت وطفيت وجيت ابحيابك
عمري دفعته ثمن دربي و مسياري
اما تخليني أحيــــــا فيك وابقابــــــك
ولا تأكد / وفــــــاتي آخر أخباري/
ابك انت مره طرالي أحرق اعصابك
طاوعت فكري عليك وجيت لك ساري
فكرت ابيعك وابعثر بالمدى أطيابك
عقلي نواها ..،.. وقلبي قال: [أنا الشاري]
ورديت أحسك بصدري واحسب احسابك
اني زرعتك لقا وابقطف أثـــ م ـــاري
واليوم دام المسا توه تـــ غ ـــنابك
أقرب مدامك " لحن " تشتاقه اوتاري
ابعزفك للـــ قصيد اللي تسمــــــابك
وشب لك داخل بحور الشعر +ناري+
واسمعك ماكتبته لين ( ينــــــتابك
غــــــرور) واسمع كلام عده اجباري
لا صرت انا و القلم و الدفتر أحبابك
يحق لك لو تقول: ان الشعر داري
ماقلتها قصدي اني أكسب أعجابك
لكني بهذي ادري ويش مــــقــداري
الصعب جذاب وانت الصعب يزهابك
وانا على الكايده ياعاشقــــــي ضاري
وان جات للجد له لــــــذه ترى غيــــــابك
شف (؛ بـحـ'الشــوق'ــة؛) كيف تميز أشعاري؟

[sHaGaB]

:؛: شــــــاعرهــــــا:؛:



لايطول سكوتك ولايطول سكاتي
ترى الدعاوي بسيطه لاتكبرها
خلك على خبري وظني و هقواتي
خابرني الضيق والضيقات خابرها
وسع لي البال ياسيد طموحاتي
ولاتغير النظره اللي كنت تنظرها
تقول : حب البشر طوق مساراتي
ابك انت حبك مساراتي يسيرها
ان غبت عانت عيوني من معاناتي
وذكرك يصبرني وطيفك يصبرها
لايابعد شهرتي واعظم نجاحاتي
وكل القصايد من ابسطها ليا اشهرها
ولايابعد من يدور لأنكساراتي
شعار سبب وجودي ضيق خاطرها
انت اجمل اللي تسجل في سجلاتي
ان جيت: وين البشر؟ وان رحت: مكثرها؟
يا اول واخر قصيدي واروع ابياتي
محد يحب القصايد كثر شاعــــــرها
مافاق حبي لك الا حبي لــــــذاتي
يعني احبــــــك محبه ما اتصورها
يا اصدق من النشوه اللي في بداياتي
لا قلت لي كم بيت وقالوا : انشرها
و اغلى من الدمعه اللي كل صدماتي
تطلب يديها ¡¡ واحجرها ولا انثرها
واحن مني علي ان شفت زلاتي
القاك بررتها لو صعب ابررها
واطهر حكاية محبه في حكاياتي
من قبل لا عيشها حسيتك اطهرها
لاتلومني لا بديت اخاف و أحاتــــــي
كل حاجه غاليه ما ودي أخسرها
و لا تضايق ليا كثرت جياتي
ضيعت فيك السنين وجيت ادورها
تعال رتبني ورتب حساباتي
او تدري شلون ؟! رتبني وبعثرها!!
مو مشكله لو تصير اطول مسافاتي
المشكله لا بديت احسك أقصرها
اكبر عيوبي : بديتك من نهاياتي
واكبر عيوبك: لقيت اولك بآخرها
يامكتشف عالمي واقدم حضاراتي
حرام كسر الخواطر بيد جابرها
مدام تقدر على اللي فوق قدراتي
لاتذخر الفزعه اللي قلت ذاخرها
رجعني لوقتي أو رجعلي اوقاتي
عامين تنطرني وعامين ناطرها
وتقبل الود والشكر وتحياتي
ياساكن الروح والروح ومشاعرها
وروق وركز وحاول تفهم الآتي
فكره تأكد قليل اللي يفكرها
لو ان غيري معاك يسوي سواتي
قلت : انت نعمه و هو عاجز يقدرها

[sHaGaB]

(مع السلامه)



لاصرت بايعني..أشوفك على خير..
مع السلامه..دام مابه سلامه
قلت :أنتهينا_قلت لك: خير ياطير
ماني بأول شخص يخسر غرامه
محذرك من قبلها ألف تحذير
لاعفتني..بيعيف قلبي هيامه
مانيب ميت لا!! ولا أحتاج تبرير
صح الله لسانك..و وفر كلامه
بسمعك..حبكه..وفكره..وتصوير
وافهم عدل يامدعي بالفهامه
وجه الشعر (ابيض)ويحتاج تغيير
هدي تزين هالقصيده (علامه)
ماضيك(الأسود)بذكره دون تقصير
كذا يكون بخد هالشعر..شامه
يصدق معي تعبير..ويخون تعبير
ياضيعة الشاعر بوقت انسجامه
يمكن خطا ادونك بالشعر مير
لو ماأحترمتك للغرام أحترامه
ماكان حبك غير..بس طعنتك غير
علمتني معنى الندم والندامه
ماجاك مني اي زله وتقصير
كل ماخطيت اعاتبك بأبتسامه
حسبي على الذكرى إذا هبت عصير
ماعاد تنفع شرهتي والملامه
البال(ضامي) وقتها والحزن (بير)
(خسرتك)وهمي(كسبت)اهتمامه
والليل فازع لك كذا جاني مغير
ظلمتني..واكثر ظلمني..ظلامه
لا أقبل علي اوحييت صوت المسايير
وفزيت كل ضيف أقوم بمقامه
وليا عزم هالليل (ضيقه وتفكير)
قلي بربك كيف بقدر انامه
مافيه داعي للعتب والمعاذير
الغدر(خال)الجرح واطيب(عمامه)
أما يجيب الله مطر..تالي وخير
وإلا(السلامه)ماش مامن (سلامه)

[sHaGaB]

[لاتحبه كثر ماحبيتني]



ليت لي حيله واجي واحتال بك
وليت ماقلت بحياتي ليتني
يابرى حالي ليامن مال بك
التغنج والدلع..لاجيتني
دوم احس انه نعاسك غالبك
معني رموشك وانا عنيتني
بس ذا المره ماطاب الفال بك
جيت ولدرب الجفا حديتني
لكن اسمع هالشعر وش قال بك
دام صبت اللي تبي واخطيتني
الغلا حقك ولاني سالبك
ابسط حقوقك ولو مليتني
شوف عيني يوم دمعي سال بك
ضمتك حتى ولو ابكيتني
وانت رغم اني شغلت البال بك
سلت مع دمعك ولاضميتني
كان به شي عليه قالبك
بطلبك حاجه إذا خليتني
لانويت تحب غيري طالبك
لاتحبه..كثر ماحبيتني

[sHaGaB]

%_موعد لقا_%


البارحه مابين همي والأوراق
جر القلم طاروق حزن يسليه
واسترسلت ابيات شعري من اعماق
الموقف اللي مر وازريت اعديه
موعد لقا مبني على نية فراق
كان الأخير وضيق الصدر طاريه
ولاهي غريبه لو أقول الصدر ضاق
لكن الأغرب كيف ماودعه فيه
كانت دموعه تختنق بين الأحداق
ونظرات عيني تقتله ثم تحييه
كني جلست اعلمه كيف يشتاق
وكنه يعلم شعري شلون يرثيه
شح الزمن بمواصله والمسا ساق
حزن القصايد والعتب والمشاريه
ياليل والله ماورى ليلك اشراق
النور عانه يسحبه في خطاويه
عشاق قلي ويش؟أو ليش؟ عشاق
الا ضحايا وقت مدري شسميه؟
يقطع سنين العشق يادرب الأشواق
ياليت بيدي شي واقدر اسويه!!

[sHaGaB]

"ضاق صدري"


الطيش عذرك!! والمقادير عذري !!
و الفرق واضح واقطع القال و القيل
ماضاقت الدنيا ولو ضاق صدري
كذا مدام الضيق اصبح تساهيل
صابر عليك ولانفع فيك صبري
يعني عن أذنك مابقى بالصبر حيل
صديت والصده تعلمك قدري
البعد يكشف و يش قدر الرياجيل
بسري..لاتسألني على وين...؟ بسري
دام السهر لجفون عيني مداهيل
لاتقول : سامحني ولاتقول : بدري
بدري من اعمار الخبول المهابيل
الليل يغري !! وانت طعنتك تغري!!
والقاف وش يبغى سوى /طعنه وليل/ .....!
بأجر صوتي وانطرب دام فكري
زعلان من جيلين .. راضي على جيل..؟
وقصيدي اللي كبره صغر عمري
يسوقني للمجد سوق الفناجيل
يطري علي لاضقت وانت تطري
كل ماطرالي الدمع !! واخذ التفاصيل:
الدمع: ماهو "ما" أهله و يجري.....؟
الشاعر دموعه قصيد و مواويل
بكيت لك (بيتين) وابيك تدري
ان الشعر منها غدى دمعه يسيل
ماعرف أوراقي إلا على طيش حبري
الا : رداة الحظ والعشق و الويل
ولاضيق الدنيا وسط (عين شعري)
الا غدر نسل الرجال المشاكيل

[sHaGaB]

~الغــــ م ـــازتين~


اي والله اني ضايق ومرهق ومخنوق وحزين
وأما بموت من الوله وإلا بموت من القهر
واللي لعب في حسبة ايامي وخلاها سنين
اني على ذا الحال ياشعري لي اكثر من شهر
بعت المدينه لجل عين! وقالوا : الخافي يبين
ودفنتك بجوفي ! وقالوا : وش بقى بك ماظهر
يامطول الغيبه ياطول الشوق مير الله يعين
العاشق اللي عاش ضامي بين عدك والنهر
عيدبي غيابك سنه والليله من العايدين
ولاعاد عيدك يالجروح اللي بقلبي من دهر
ياصاحبي لو تعتذر عن غيبتك عذرك سمين
حبك بعد ماغبت عن عيني تمادى وازدهر
من يوم شفتك والنعاس بعينك النجلا سجين
ومن نفس ذاك اليوم وعيوني سجينه للسهر
علقتني بالضحكه اللي تسبق الغمازتين
وتركت لي شاعر كتب فيك القصايد واشتهر
سيلت دمعك واستباح الدمع ستر الياسمين
وعلمتني كيف الندى يجمل خدود الزهر
ليتك عقب ماغبت وغيبت أشتياقي والحنين
أو ليتني ماقد دفعت احلام عمري لك مهر
و ياصاحبي لاعاد تنشدني عن الحزن الدفين
أقسى الطعون !
الطعنه اللي من الحبيب وفالظهر!

[sHaGaB]

؛أسبــــــوع؛


أسبوع مر
ولاوصل منك مرسال
ياقو قلبك كيف تقطعني أسبوع
الجوع كافر...!!
وأنت ماترحم الحال
وأنا عليك من الوله ميت"جوع
ياللي غيابك صعب يطري على البال
تركتني ضايق وحاير ومفجوع
ماكني إلا: شايب"فاقد عيال
وما كنك إلا: محرم" حق مشروع
يفوع لك قلبي ليا مر الأطلال
ياليت مالي قلب يشتاق ويفوع
حسبي عليك شلون قطعت الآمال
بآموت لاصار الأمل فيك مقطوع
ياصاحبي ماكل نزال رحال
أنت الحيا من وين مارحت متبوع
نسياني لزول بالأعماق يختال
اصعب علي ياصاحبك من حبة الكوع
لو الثمن في شوفتك عمر رجال
كان الثمن من يوم ماغبت مدفوع
ولو القدر ماتم قوله ليا قال
ماضاق صدر ولاأنحنى رأس مرفوع
ياصاحبي عشقتني فعل وخصال
وأنا عشقتك شعر وإحساس وطبوع
وشلون تتركني كذا لأشهب اللال
وقدام عيني تجف ينبوع .. ينبوع
ماردني عنك سواليف عذال
تزعل علي ربوع وتقدر ربوع
كان المهم أعيشك جنون و وصال
و يكون لي كلمه ولي راي مسموع
واليوم ضاقت بي من الجال للجال
فرقاك تقصم ظهر وتحز وتلوع
لو جيت شفت الحال ماسرك الحال
في غيبتك ضايق وحاير ومفجوع
هذا غياب أسبوع وشلون لو طال
طالبك لايطول غيابك عن أسبوع

[sHaGaB]

،،تنــ ـهـ ــيد نــــــاي،،


جمع اللي ودك تقوله
وبعثرني عتب
الملامه شي عادي
دامها منك وجاي
انت تامر وانا البي
ماتبي بليا سبب
بس كان لجيتي خاطر
تلبيلي رجاي
رجوتي لاتلحق عيونك
مشاريه الهدب
لاتضايقه بدموعك
والتفاتتك وخطاي
كل شي الا دموعك
واعرف انك من شطب
صفحة الطيش بحياتي
وابتدا صفحة شقاي
سق فديتك كل ماتملك
من جنون وغضب
وابشر بصدر يضمك
حيل دامنك هواي
ولارويت عتاب ناظرني
و قل : (طاح الحطب)
واسأل شرايك؟
وابنسجلك من الاعماق راي
باتناثر لك رضا واحساس
صادق ماكذب
وانت رتبني على كيفك
وشكلني برضاي
وان تلعثم بي حضورك
ثم نطقني لك تعب
حاول انك تسمع اشواقي
وسط {تنهيد ناي}
اسمع دموعه!!وقربلي
وقرب وأقترب
وأسأل عيونك عن طيوفك؟
وقصتها معاي
كيف كانت في غيابك
فجأه تطري واغترب
أركض لمنفى خيالي
وأرمي الواقع وراي
اوجدك مابيني وبيني
واسولفلك واشب
ليلة حضورك قصايد
تشتكيلك من عناي
آه لا منه بزغ فجر
الحقيقه وانسحب
طيفك اللي ساكن عيوني
وضاقت بي سماي
وقتها ليتك تحس
شعور من (حظه ضرب
اخر اماله بعرض الهم)
والوحده مداي
اكتشف وشلون يموت الصوت
برماح الطرب؟؟
لحظة جيت أتغنابك
وعاندني غناي!!
واكتشف كيف السهل
فجأه يتحول لي صعب؟؟
لانويت ابكيك ثم ازريت
القابي بكاي!!
(اقسم بربي وربك)
فيني احساس غصب
كل كلي في غيابك
ينجذب لك ياهناي
مانسيتك لو نسى التاريخ
امجاد العرب
وماتركتك الا بين
ضلوع صدري و بحشاي
لأنك أكبر من غلا
الشاعر لآخر ماكتب
ولأنك أقرب لي من سكوتي
إذا عانق شفاي
ولانك اول من تمكن بي
وعلمني أحب
ولأنك الشخص الوحيد
اللي يجي في مستواي
صاحبي جمع كلامك
ثم بعثرني عتب
والله ان كل شي عادي
لاغدى منك وجاي

[sHaGaB]

/ارتبك ثم ارتكب ثم ابتكر/


ياعمر ماينسى كود الردي
وإلا أنا لامت يبقالي ذكر
عارف قدري ومامدت يدي
ومايضيع الحق عند اهل الفكر
وان نسوا شعري عوافي ياسندي
شوف كم شعر قبل شعري نكر
يكفي اني قد كتبته بجهدي
ولا كسبته بالتلاعب والمكر
أكتبه بــ(سهيل) و يغار (الجدي)
وان نخيته مافزع صوبي عكر
شفني بأولها وانا دربي مدي
استحقيت الثنا فوق الشكر
يحتويني حزن والبيت يعدي
أرتبك ثم أرتكب ثم أبتكر
حسبي الله يالعذاب السرمدي
ليه في قلبي تشيخ وتحتكر
الغريب انك معي من مولدي
كل مافريت طعناتك تكر
لين قمت أقول ذا الحزن اجودي
حر لطيبه غدى قلبي /وكر/
ياعمر لو شفت بالعين سعدي
السعاده كذب عيني بو بكر
كيف أقول ان ضحكة السن ولدي
والفرح في داخل اعماقي :بكر:
ياعمر والله لو حظي ردي
يكفي بشرواك يبقالي ذكر

[sHaGaB]

& هــــــذي ســـ ن ـــه&


إلا أنت سولف لي عن احوالك وخل عنك القصيد
يعني وش اللي في غيابك راح أقوله واكتبه
شعري على حطة يدك في غيبتك مامن جديد
البيت من قبل أكتبه احاول اني أشطبه
دامك تعرف ان الشعر لايقنعك ولايفيد
استوعب حظوري وهو انساه لاتستوعبه
ركز معي الله يرضى لي عليك ولاتزيد
الهم هم وعدني ضيف نويت توجبه
مابيك من بعد الجفا ترجع لي بقلب بليد
حسسني بشوقك ودمعك من عيونك اسكبه
ضيعني بشهقة بكاك وجيب فيني ألـــ1000ـــف عيد
بحكيلك اللي حافظه ولا عرفت ترتبه
هي كلها هالساعتين وبعدها ببقى وحيد
لاتشح بشعورك علي ولا اتمادى وانتبه
لاشفتني سجيت عنك / فيك جودني من ايد
قلبي و وصلني لقلبك برضاه أو أغصبه
هذي سنه ان ماسكنت القلب مسكنك الوريد
و نفس السنه مرت وحقي فيك ضايع واطلبه
ياآدمي مادام نظرتك باحاسيسي تشيد
لاتترك أسألتي تموت ولا لقت بك أجوبه
ليه انت راضي بالعناد؟ وبالرضا تصبح عنيد؟
ليه اتساهل بالجفا؟ ليه الوصل تستصعبه؟
ليه اتمنى الموت في بعدك واحس انه بعيد؟
وليه اشعر ان الموت في لحظة وصولك مقربه؟
وليه اعتبر نفسي إذا ذبحني شوقي لك شهيد؟
وإلا أنت حتى الشوق لاردك علي تستغربه!!
جاوب وريحني او انسى كل شي ولا تعيد
سؤالك عن شعر شطبته من قبل لا أكتبه!

[sHaGaB]

«®°·.¸.•°°·.¸¸.•°°·.¸.•°®»من تنهيداته«®°·.¸.•°°·.¸¸.•°°·.¸.•°®»

عطيتني فرصه أتعلق بأحد غيرك
واليوم حسيت بأن فراقنا
خيره
ماعاد ابي شرك ولاعاد ابي خيرك
انسى مثل مانسيت وفضها
سيره


......................................


ماعاد تفرق خذاك الموت أو جابك
فالحالتين الموت أقرب لي من ظلالي
أما بموت من الوله لا طول غيابك
وإلا بموت من الفرح لاشفتك قبالي


..................................


ياللي تقول ابطيت عنك بقصيدي
ماهيب صعبه ولاهي غريبه
المشكله ماهي شقول بجديدي
المشكله شاعر ولا لي حبيبه


..................................


أحب شعري واموت بها ولايمكن
أرضى لو تحب شعري بس على شاني
ويحز في خاطري انه من الممكن
ماحبته لو يقوله شاعر ثاني
وانا يالولا كبر حبي لها يمكن
ماصرت شاعر ولا غنيت قيفاني

[sHaGaB]

أتمنى أن أكون قد وفقت فيما أخترت



كل الحب



شغب

[دنياك قلبي ملها]

شغوووبه

ابدعتي فيما نقلتي

ويعطيك ألف ألف ألف عااافيه

عـــلى الموضووع الأكثر من راااائــــــــ‘ـــع

دمتي بوود

[sHaGaB]

.....دنياك....

...منـــــــــــورهـ..

,, يسلمـــــــــــــــو على المرور..

[>$<صـمـت الـكـلام>$<]

الـســلام عـلــيكم ...

إبـداااع في إبــداااع

ابدع الشاعر في كلامته العذبه وفي قوافيه

وأنتي ابدعتي بنقلك لنا هالقصايد ..

وأنا أقول صح لسان الشاعر وصح لسان من سماهـ

( الـداهــيهـ )

وسلمت يداكي ..

وعلى فكرة عجبتني قصيدة : مع السلامه ,, ولاتحبه كثر ماحبيتني ..

ويعطيكي ألــ1000ــف عافيهـ

ودمتي بـود لمن تحبين

ومع تحيات >$<صـمـت الـكـلام>$<

[sHaGaB]

هلا فيك
يا صمت الكلام

منــــــــــــور بقـــــوهـ..


يسلمـــــــــو


‘÷شغب÷‘

[انا مثل الذي تاايه]

= قلـبــ_نسيته_ــــي=

و الله ابيات جميله صدق داهيه و الله

[عـٍـٍنٍـٍـٍكٍـٍـٍوٍشِـِـِ‌]

*~..شغـــــب..~*


مشاءالله عليك من خبرتك وابياتك دومن في تميز

وبصراحه اختيارك هذا مهوب صاحي الا اجرام
مشاءالله موسوعه كامله لشاعر
وكل ماقرت قصيده شدتني اللي بعدها

تسلم هلأنامل على هيك نقله
وتسلم هيك عقليه على هيك اختيار

لاهنتي وتقبلي مروري

[sHaGaB]

ياهلا واللـــــــــــــــــه بعنكوووووووش

تو مانور الموضوع

حياك الله

مشكوووووور على هالكلمات الحلوه
هذا من ذوقك..


×؛شغب؛×

[باربي الرياض]

روووووووووووووووووعه
رووووووووووووووووووووووعه
روووووووووووووووووووووووووووعه

[سلطااان]

ابدااااااااااااااااااااااااااااااااااااااااااااااا اااااااااع شغب

مشكوووووووووووووووووووره

تحياااااااااااااااااتي

[ღ 7 a M o D y ღ]

صححح لسسسسـآن كـآتبهـآ. .وتسسسٍسٍلم يديين نــآقلهـآ. .يعطيك ـآلف ـآلف عــآفيه .!. تحياتي لك. .!

مسسسسستر. .آكسسسسس .!