هذه الأبيات بين الشاعر الأمير محمد الأحمد السديري وصديقه زبن بن عمير

[بروق نجد]

( الأمير محمد الأحمد السديري)
ياعمير خبرني عن العود هو تاب
وقضب طريق ملففين العمامه

وأعرض عن الزينات تلعات الأرقاب
وعود معيف وطالبن السلامه

ولا يصافح لأجلهن كل مرقاب
وعلى هوى قلبه تشيله عظامه

منول سرحان وعادي ونهاب
ودايم من الغارات تنظف الكامه

واليوم مادرى وش جراله بالأسباب
ماعاد نسمع بالعذارا غرامه

والحروه أنه قاري فروة الراب
وحتى خرزها ناظمه في خزامه

لوهو يتم الخمس في كل محراب
باقن بقلبه من هوى البيض شامه

رد ( زبن بن عمير)

ياشيخ ياحلال عسرات الأنشاب
ياللي حويت المرجله والشهامه

مادام تنشدني عن العود هوتاب
ومسك طريق ملففين العمامه

أفيدك أنه تاب للرب وأناب
وأظهر على مافات منه الندامه

غض البصر من يوم شاف الشعر شاب
وخلا طواريق الهوى بأنهزامه

ماعاد له بملاقف الصيد مضراب
لو يعترض قدام عينه نعامه

العود يوم أنه يبا الصيد ماهاب
يلقف لهن مع كل نابي علامه

وليا نوى ماهيب تنهار الأعصاب
يسطي الى هاب الذليل الجهامه

[جدي الجنازه]

تسلم اخوي بروق والله اختيار موفق زبن بن عمير ولامير/ محمد الاحمد السديري في زمان واحد ولهم مساجلات كثيره ياليت يابروق نجد تكتب الكثير عن هذا العملاق رحمه الله واشكرك على حسن الطرح ولك اجمل تحياتي

لوهو يتم الخمس في كل محراب.....باقن بقلبه من هوى البيض شامه


اخوك
جدي الجنازه

[بروق نجد]

ألف شكر على مرورك أخوي جدي الجنازه وأبشر أول مايكون عندي جديد لهولاء العمالقه سوف أقوم بطرحه في هذا المنتدى حصرياً

ولك كل التقدير والأحترام

[جدي الجنازه]

لاهنت والف شكررررر

[»D7ôOôMi«]

يعطيكـ العاافيه اخوي بروق على الموضوع والابيااات


الاكثر من راائعه ..


دمت بود

[انا مثل الذي تاايه]

يعطيكـ العاافيه اخوي بروق على الموضوع والابيااات


الاكثر من راائعه ..


دمت بود

[بروق نجد]

ألف شكر على مرووووووووركم
و
يعطيكم العافيه

[ღ 7 a M o D y ღ]

صححح لسسسسـآن كـآتبهـآ. .وتسسسٍسٍلم يديين نــآقلهـآ. .يعطيك ـآلف ـآلف عــآفيه .!. تحياتي لك. .!

مسسسسستر. .آكسسسسس .!